BitlandKkoqQL123p Qtia Dhn W T8 Yyy:Og HDOo F MmLCc
Bitland er smápartafelag og verkætlan, sum skal stimbra nýskapan og altjóðagerð innan tøknifyritøkur í Føroyum. Felagið varð stovnað í 2004 av 12 føroyskum fyritøkum.[1] Undir Bitland paraplyini húsast ikki færri enn 15 fyritøkur við 35 fólkum. Stjóri í Bitland er Ólavur Gregersen.
Ætlanin er at venda lítlu støddini á Føroyalandi til fyrimun. Hugsanin er at Føroyar eru eitt fullkomiliga nýmótans samfelag, hvat tøkni viðvíkir. Og av tí at Føroyar eru so lítlar, er lutfalsliga bíligt at royna nýggja tøkni í Føroyum enn í øðrum (stórum) londum. Hetta nýskapandi virksemið í Føroyum skal so skapa arbeiði til føroyskar tøkniligar fyritøkur.
Innihaldsyvirlit
- 1 Virksemi
- 2 Feløgini í Bitland
- 3 Nevndin
- 4 Keldur
- 5 Slóðir úteftir
Virksemi[rætta | rætta wikitekst]
Bitland nágreinir sítt virksemi at fevna um:
- at marknaðarføra hugtakið Bitland innanlands og uttanlands,
- at lofta og taka stig til nýggj hugskot við virknum netverki,
- at lætta um og ráðgeva í sambondum innan- og uttanlands,
- at vegleiða og midla verkætlanum fíggjarligan stuðul og íløgur og
- at Bitland skal vera miðdepil fyri nýskapan og gagnnýtslu av tøkni í Føroyum.
Við hesum virksemi er ætlanin at Føroyar skulu vinna framá í kappingini móti øðrum londum innan tøkni.
Fríggjadagin 30. mai 2003 kl. 9:00 var almennur tíðindafundur, har Bitland verkætlanin alment kunngjørd.
Feløgini í Bitland[rætta | rætta wikitekst]
Smápartafelagið Bitland varð stovnað av 12 fyritøkum. Hesi eru:
- P/f Atlantic Airways,
- Sp/f Atlants Tøkni,
- Sp/f Data Quality,
- P/f Elektron,
- P/f Formula.fo,
- KT-felagið,
- Føroya Tele,
- Sp/f Kervi Invest,
- P/f Sam-Teld,
- P/f Sansir,
- P/f Simprentis og
- Sparikassagrunnurin.
Nevndin[rætta | rætta wikitekst]
Í nevndini hjá Smápartafelagnum Bitland sita:
- Tróndur Djurhuus, formaður, menningarstjóri í Føroya Tele,
- Petur F. Zachariassen, formaður í Sparikassagrunninum,
- Niels Christian Nolsøe, stjóri í Elektron,
- Wilhelm Petersen, stjóri í Atlantic Petroleum,
- Henrik Hansen, menningarstjóri hjá Canon og
- Ólavur Ellefsen, stjóri í Simprentis.
Keldur[rætta | rætta wikitekst]
- ↑ Framtak.fo, Bitland fingið nýggjar eigarar